Simu ya infinix hot 11 ni simu ya android 11 ambayo imetoka mwaka 2021

Lakini ni simu ambayo inaendana na soko la sasa 2022

Bei ya infinix hot 11 kwa sehemu nyingi Tanzania ni chini ya shilingi laki tatu.

Bei yake ndogo inatokana na sifa zake nyingi ambazo zinaipeleka simu kwenye kundi la daraja la chini

Kiufupi, utafahamu bei yake maeneo ya Dar na sifa zake muhimu kiunaga ubaga.

Bei ya infinix hot 11

Kwa maduka ya simu Tandika bei ya infinix hot 11 ya 64GB ni shilingi 280,000/=

Wakati huo maduka mengi ya simu ya ilala na kariakoo wanauza infinix hot 11 kwa shilingi laki mbili na nusu.

Hivyo ukiona duka linaiuza hii simu kwa zaidi ya laki tatu basi hiyo sio bei stahiki.

Kabla ya kufanya maamuzi ya kuinunua hot 11, ni vizuri ukajilizisha ubora wake.

Utaufahamu ubora wa simu kwa kuzifahamu sifa za sehemu za simu husika.

Sifa za infinix hot 11

Upi ubora wa infinix hot 11

Ubora wa simu ya infinix hot 11 upo katika sehemu kuu mbili

Ukaaji wa chaji na processor yenye nguvu ya wastani

Hot 11 ina utendaji mzuri unaweza kucheza gemu nyingi za simu japo si kwa ubora mkubwa.

Simu ina betri kubwa inayofanya kukaa na chaji masaa mengi

Kwenye nyanja nyingine ubora unatofautiana.

Hasa ukiangalia kioo na kamera kama inavyofafanuliwa.

Uwezo wa Network

Network ya hot 11 inakubali mtandao wa 4G aina ya LTE Cat 7

4G yake ina network bands zipatazo saba

Zote zinakubali mitandao ya simu Tanzania yenye network ya 4G.

Kama ufahamu kuhusu network bands, pitia hapa, Network za mitandao ya simu Tanzania

LTE Cat 7 ina spidi ya kudownload inayofikia 300Mbps.

Ni spidi inayoweza kudownload faili la 1200Mb kwa sekunde 40

Ila Tanzania hakuna mtandao wa simu za mkononi unaotoa spidi ya 300Mbps

Ubora wa kioo cha infinix hot 11

Kioo cha infinix hot 11 ni aina ya ips lcd chenye resolution kubwa ya 1080 x 2408 pixels

Uangavu wake si mkubwa sana kwani nits zake 500

Hivyo ukitumia simu kwenye jua kali sana screen inaweza isionyeshe vitu kwa uwazi

Bei ya kioo aina ips lcd ni ya chini kwa sababu ubora wake huwa ni mdogo ukilinganisha na vioo vya amoled

Nguvu ya processor MediaTek Helio G70

Processor ya infinix hot 11 ni MediaTek Helio G70

Utendaji wa Helio G70 ni wastani na unaweza kufungua app nyingi kiurahisi.

Kwani ni chip inayoweza cheza gemu ya PUBG Mobile kwa resolution ya Full HD na kwa kasi ya 30fps

App zinazopima nguvu ya processor zinaipa alama za kiwango cha kati.

Geekbench inaipa Helio G70 alama 391 kwenye core moja

Na App ya antuntu inaipa chip alama 205,296 wakati chip Snapdragon 450 ya Huawei Y7 ina alama 99,631

Kwa nini Helio G70 ina utendaji wa wastani?

Kujibu swali inabidi utazame uwezo wa core kubwa na core ndogo

Uwezo wa core kubwa

Helio G70 ina core zenye nguvu zipatazo mbili

Core kubwa mbili kila moja ina kasi inayofikia 2.0 GHz

Zimeundwa kwa muundo wa Cortex A75

Muundo wa cortex a75 unaweza kuchakata kazi(instructions) bilioni sita kwa sekunde

Ni muundo wenye uliongozeka kwa matumizi madogo ya umeme yapatayo wati 2

Uwezo wa core ndogo

Kuna jumla ya core sita zenye nguvu ndogo aina ya Cortex A55

Kila core ina spidi inayofikia 1.7 GHz

Hizi core zimetengenezwa kutumia umeme mdogo na utendaji wake sio mkubwa

Hutumika pale simu inapofanya kazi zinazohitaji nguvu ndogo

Cortex A55 inaweza kufanya shughuli chache kwa wakati mmoja

Uwezo wa betri na chaji

Betri ya infinix hot 11 inastahimili ukaaji wa chaji masaa mengi

Kikawaida simu zenye betri la ujazo wa 5000mAh hukaa na chaji masaa zaidi ya 14 simu ikitumia intaneti.

Infinix 11 ina betri la ujazo wa 5200mAh

Hivyo basi ukaaji wake wa chaji data ikiwa haijazimwa unaweza kuzidi masaa 15

Kitu kinachosababisha ukaaji wa chaji ni utndaji wa wastani na kioo kinachokula umeme kidogo.

Kwa bahati mbaya simu haina fast chaji hivyo simu inaweza kujaa kwa masaa zaidi ya matatu

Ukubwa na aina ya memori

Kuna matoleo ya aina mbili ya infinix hot 11 upande wa memori

Kuna infinix ya 64 GB na ya 128 GB

Infinix ya 128GB bei yake ipo juu na inaweza kuzidi laki tatu.

Lakini memori zake hazina kasi kubwa ya kusafirisha data.

Kwani ni aina ya eMMC 5.1, kitu kinachopunguza uwezo wa simu kiutendaji

Uimara wa bodi ya infinix hot 11

Bodi ya hii simu imeundwa kwa plastiki upande wa nyuma na kwenye frem za pembeni

Bodi za plastiki zina kawaida ya kuchunika rangi kadri muda unavyoenda

Hivyo kuimarisha muonekano wa simu muda mrefu kava na screen protector zitahitajika

Kwa sababu screen ya simu haijatumia vioo vigumu vya gorilla

Simu si nyembamba sana na ina uzito wa gramu 201

Pia ina urefu na upana upatao inchi 6.6

Ubora wa kamera

Infinix hot 11 ina kamera mbili zenye ubora mdogo.

Ubora wa chini wa kamera unasababishwa na kamera zake kukosa teknolojia dual pixel pdaf

Na kamera ya pili aina QVGA ina resolution ndogo sana isiyoendana na nyakati za sasa

QVGA haitoi picha nzuri

Pia simu inaweza kurekodi video zenye resolution 1440p pekee

Ubora wa Software

Simu ya hot 11 inatumia toleo la android 11 lenye software ya XOS 7.6

XOS 7.6 kupitia app ya XHIDE itakusaidia kuficha taarifa zako za simu na app nyingine

Hivyo yeyote atakaetaka kutumia simu yako atahitaji ruksa yako

Pia xos 7.6 inapiga kelele simu ikiondolewa kwenye chaji.

Ni njia moja ya uzibiti wa simu kupotea

Yapi Madhaifu ya infinix hot 11

Infinix hot 11 ina mapungufu mengi

Japo huwezi kuilalamikia simu kutokana na bei yake

Simu haina uwezo wa kuzuia maji wala vumbi kwa maana haina viwango vya IP53

Kioo chake hakina HDR10 inayoboresha muunokano wa vitu kuendana na namna jicho la binadamu linavyoona kwenye mazingira halisi

4G yake ina masafa machache

Chaji yake inapeleka umeme taratibu

Lakini ulinzi wa kwenye kioo ni wa kiwango cha chini

Kutokana na kutokuwa na kioo cha gorilla angalau Gorilla 3

Neno la Mwisho

Kama utapata infinix hot 11 chini ya laki tatu bila kujali ukubwa wa memori itakuwa ni jambo sahihi

Ni bei inayoendana na ubora wake.

Ila kuna simu zinazofanana vitu na hii infinix ambazo zina sifa za ziada.

Mfano mzuri ni simu ya Realme C3 yenye processor Helio G75 lakini pia Tecno camon 17

Realme C3 ina kioo cha gorilla 3