Simu ya Infinix Hot 40 Pro ni simu janja ya daraja la kati ambayo imetoka pamoja na simu ya infinix hot 40

Hot 40 Pro ina ubora wa ziada kwenye utendaji na pia kamera yake inatoa picha vizuri kwa kiasi fulani

Kimuonekano simu inafanana na iphone 15 pro max hasa kwenye mpangilio wa kamera

Ila isikutishe maana bei ya infinix hot 40 pro haizidi laki nne na nusu na kiubora haifikii toleo lolote la iphone la hivi karibuni

Kumbuka bei yake inatofautiana na ukubwa wa memori ipo ya GB 128 na GB 256

Bei ya Infinix Hot 40 Pro ya GB 128

Bei rasmi ya hot 40 pro ya gb 128 ni shilingi laki na nusu japo inaweza kuzidi kwa maeneo mengine

Kiasi cha pesa kinaendana sana na sifa za simu

Kwa vitu ambavyo simu inakuja navyo ndivyo vitu vinavyochangia simu kuwa katika bei hii

Na hata simu kutoka kwa kampuni zingine zenye sifa sawa na hii infinix huuzwa kwa bei ya chini ya laki nne

Ni muhimu kuangalia kila sifa ili ujiridhishe iwapo ubora wa infinix hot 40 pro unaweza kukidhi mahitaji yako

Sifa za Infinix Hot 40 Pro

Upi ubora wa Infinix Hot 40 Pro

Eneo kubwa lenye maboresho kwenye hii simu ni utendaji

Utendaji wake ni mkubwa kuizidi simu kama Oppo A17K

Betri yake ina ukaaji mzuri wa chaji kutokana na kuwa na betri kubwa

Chaji yake inakufanya kuisubiria simu kwa muda mfupi kwani ina kasi kubwa ya kuchaji

Kioo chake kina refresh rate inayoizidi infinix hot 40 na uangavu mkubwa

Kama ilivyolezwa awali kuwa utendaji wa hii simu umeongezeka kidogo na unaizidi hata simu ya Redmi Note 10

Hivyo pia kuna maboresho pia kwenye uwezo wa network wa hot 40 pro

Uwezo wa Network

Simu inasapoti mpaka mtandao wa 4G haiji na uwezo wa 5G

Hata hivyo aina ya 4G inayasapoti ni ile yenye kasi kubwa ambayo ni nadra kuipata kwa hapa nchini

Aina ya 4G yake LTE Cat 13 yenye kasi ya kupakua vitu inafika 600Mbps

Yaani kwa mfano kama unapakua faili LA MUVI lenye ukubwa wa MB 750, simu itaweza kudownload kwa sekunde kumi

Ila mitandao karibu yote hapa nchini haitoi kasi hata ile yenye 5G

Mara nyingi ukijitahidi sana kwenye 4G unaweza fika 75Mbps

Ukiondoa uwezo wake wa network, ubora wa hot 40 pro kwenye kioo pia unavutia kiasi fulani

Ubora wa kioo cha Infinix Hot 40 Pro

Infinix Hot 40 Pro inatumia kioo cha IPS LCD

Japo kiubora vioo vya amoled huwa vipo, ila kioo cha hii simu kina resolution kubwa ya 1080×2460 pixels

Resolution kubwa ya kiasi hiki huboresha muonekano wa vitu kwenye skrini

Uangavu wa kwenye skrini ni mkubwa kwa wastani

Mtumiaji ataweza kuona vitu vizuri akiwa hata anaitumia simu juani

Kubwa zuri kuhusu kioo cha infinix hot 40 pro ni uwepo wa refresh rate kubwa

Hii inafanya kioo kuwa fasta na kiraini wakati wa kuperuzi

Simu inaruhusu kuzima refresh rate kubwa kwa sababu ukiiacha muda wote huwa inakula chaji

Uwepo wa refresh rate kubwa unafanya kazi vizuri kutegemeana na nguvu ya processor iliyotumika

Nguvu ya processor Mediatek Helio G99

Simu ya Infinix Hot 40 Pro inatumia chip ya Mediatek Helio G99

Helio G99 ni processor nzuri ya daraja la kati inayoweza kufanya kazi kubwa bila tatizo

Kwa wapenda magemu ya simu, mediatek helio g99 inacheza magemu mengi kwa fps nyingi hizi ukiwa umseti muonekano wenye ubora wa kati kwenye gemu

kwa baadhi ya magemu ukicheza kwa muonekano wa Ultra HD idadi ya fps hupungua hivyo gemu inakuwa sio ya kuvutia sana

Kiujumla nguvu yake ni kubwa kuliko hata Mediatek Helio G88 ambayo imetumika kwenye simu ya Tecno Spark 10 Pro

Helio G99 ina ufanisi wa kuridhisha katika matumizi ya betri.

Kwa simu yenye betri kubwa itaweza kukaa na chaji muda mrefu hata nyakati ambazo processor inafanya kazi kubwa

Hivyo ni vizuri ukaelewa uwezo wa betri ya infinix hot 40 pro

Uwezo wa betri na chaji

Betri ya Hot 40 Pro ina ukubwa wa 5000mAh

Simu inakuja na chaji inayopeleka umeme wa wati 33

Kwa mujibu wa Infinix, chaji hii inajaza betri yake kwa 70% ndani ya dakika thelathini

Kwa mantiki hiyo chaji yake inaweza kujaza betri kwa 100% ndani ya dakika 70

Ukaaji wa chaji unaweza kudumu kwa zaidi ya masaa kumi

Kwani hiyo ni kawaida ya betri zenye ukubwa

Ukubwa na aina ya memori

Infinix Hot 40 Pro zinapatikana zenye GB 128 na GB 256 na zote zina ukubwa wa RAM 8

Na pia simu inaweza kutemia GB nane zingine za memori ya simu kama RAM

RAM kubwa inasaidia kufungua vitu vingi kwa wakati mmoja bila kuwa na mkwamo

Maana RAM inapojaa yote husababisha simu kuwa nzito

Mara nyingi unapocheza gemu hujaza RAM

Aina ya memori inayotumiwa na hii simu ni UFS 2.2

Kasi yake ya usafirishaji wa data ni mara ya simu zinazotumia mifumo eMMC kama Infinix Hot 40

Uimara wa bodi ya Infinix Hot 40 Pro

Infinix Hot 40 Pro haina viwango rasmi vinavyoainisha uwezo wa kuzuia maji ya waterprooof

Kwa maana hiyo kama ikizama kwenye maji ya kina kirefu unapaswa uitoe haraka

Vinginevyo maji yataingia

Ni tofauti sana na mfano wa simu ya Samsung Galaxy 23 Ultra yenye uwezo wa kuzuia maji kwa muda wa nusu saa kama ikizama kwenye kina cha mita 1.5

Ubora wa kamera

Simu inakuja na jumla ya kamera zipatazo tatu

Kati ya kamera tatu kamera moja yenye megapixel 108 inayopiga picha vizuri

Kamera nyingine aina ya macro haitoi picha vizuri kwa vitu vya karibu

Nyakati za mchana kamera kubwa inajitahidi katika uwasilishaji wa rangi

Kamera ya hii simu inakosa teknolojia muhimu ya ulengaji ya PDAF

Inaweza isiwe kamera nzuri kupiga vitu ambavyo viko kwenye mwendo kutokana na aina ya autofocus iliyopo

Ubora wa Software

Hii simu inakuja na Android 13 na XOS 13.5

xos 13.5 imejaribu kuiga muundo wa iphone wa dynamic island

Infinix huu mfumo wanaita dynamic ring

Unaweza fuatilia kiundani kwenye hii video

Washindani wa Infinix Hot 40 Pro

Kuna simu nyingi zinazoendana kisifa na Infinix Hot 40 Pro

Kwa maana hiyo hao ni washindani wa moja kwa moja

Kwa mfano simu ya Samsung Galaxy A15 4G ina utendaji sawa na hii infinix

Ila Galaxy A15 4g inakuja na kioo cha amoled, android 14 na kamera ya ultrawide

Vitu ambavyo havipo kwenye hii infinix wakati huo tofauti ya bei baina ya hizi simu mbili ni kama shilingi elfu hamsini tu

Mshindani mwingine ni kutoka kampuni ya Xiaomi kwa kupitia simu ya mwaka 2022 ya Xiaomi Poco M5 ambayo ina ultawide na kamera kubwa yenye ulengaji PDAF,

Xiaomi Poco M5 bei yake inaendana kabisa na infinix Hot 40 Pro

Neno la Mwisho

Infinix Hot 40 Pro ni simu ya bei nafuu ya daraja la inayoweza kukidhi mahitaji ya watumiaji wa kila lika

Kuna maboresho kwenye baadhi ya maeneo ila kwenye kamera hakuna tofauti na toleo la Infinix Hot 40

Kizuri ni kuwa simu inakuja na RAM na memori ya simu inayotosheleza kuhifadhi na kufanya mambo mengi kwa wakati mmoja