Simu ya infinix hot 10 play ni simu ya android 11 iliyotoka mwaka 2021

Bado bei ya infinix hot 10 play inazidi shilingi laki tatu mpaka sasa kwa maduka mengi ya simu kariakoo na kinondoni

Ukizifahamu sifa za hot 10 play na simu mbadala utaona kuwa ni simu yenye bei kubwa.

Kwenye posti hii kuna taarifa ya bei na ufafanuzi wa simu kiundani

Ni vizuri kufahamu bei yake na sifa ya simu kabla ya kutoa pesa kuipata simu

Bei ya Infinix Hot 10 Play Tanzania

Kwa maduka ya simu ya kariakoo bei ya infinix hot 10 play ya ukubwa wa GB 64 ni shilingi 340,000/=

Unaweza ukaipata simu hii chini ya bei hiyo

Bei yake ni kubwa hapa nchini kwani kwa masoko ya India simu inauzwa chini ya laki tatu

Sifa za simu ya Infinix Hot 10 Play

Upi ubora wa infinix hot 10 play

Ubora wa infinix hiot 10 play unapatikana kwa kiasi kikubwa kwenye upande wa betri

Betri yake ni inayoifanya simu kukaa na chaji muda mrefu

Ukiongeza na utendaji mdogo wa simu chaji yake itachelewa kuisha

Pia simu ni ndefu na inavutia kwa macho

Ila upande wa sifa zingine simu inakumbana na changamoto

Kiasi cha kwamba inakumbana na ugumu kupambana na simu kama ya samsung galaxy a03s

Zifuatatlie sifa na ufafanuzi wa kila sifa kisha uone utofauti na simu zingine za laki tatu

Uwezo wa Network

Infinix hot 10 play ni simu ya 4g aina ya LTE Cat 7 na LTE Cat 4

Spidi ya LTE Cat 7  inaweza kudownload faili la ukubwa wa 1.2GB kwa sekunde zipatazo 40

Ila inategemea na spidi ya mtandao simu inayotumia

Simu inakubali network bands za mitandao yote ya simu nchini Tanzanina

Hivyo hakuna laini ya 4G itakayoshindwa kufanya kazi kwa hapa nchini

Ubora wa kioo cha infinix hot 10 play

Kioo cha infinix hot 10 play kina ubora mdogo kwa sababu ni cha IPS LCD na resolution ndogo ya 720 x 1640 pixels

Ni ngumu sana kulinganisha ubora wake wa kioo na kioo cha iphone yoyote ya bei nafuu

Uangavu wa kioo ni wa kiwango cha chini.

Hivyo simu inaweza isioneshe vizuri ukiwa unaitumia kwenye jua kali

Kiujumla ubora vioo vya IPS LCD unazidiwa na kioo cha super amoled hasa kwenye kuonesha rangi nyingi

Mfano tu ni muonekano wa rangi nyeusi

Nguvu ya processor MediaTek Helio G25

Processor ya mediatek helio g25 ina core nane.

Ndio processor ambayo hot 10 play inaitumia katika kazi zake

Lakini utendaji wa chip ni wa chini.

Kwenye app ya geekbench inayopima nguvu ya processor ya simu, Helio G25 ina alama 135

Hivyo simu inapata shida kucheza gemu nyingi za simu kama Fortnite

Kwa nini Helio G25 ina nguvu ndogo?

Kwa sababu inatumia core aina ya Cortex A53 pekee

Kikawaida muundo wa cortex a53 unatumia nguvu ndogo na matumizi ya umeme huwa ni madogo pia

Chip nyingi za simu zenye nguvu huchanganya aina ya core

Kama hufahamu aina ya core zenye nguvu, pitia makala hii ya aina mbalimbali ya processor za simu

Uwezo wa betri na chaji

Infinix hot 10 play ni moja ya simu za android zinazokaa na chaji muda mrefu.

Ina betri lenye ukubwa wa 6000mAh

Kuzingatia nguvu ndogo ya chip, hii simu inaweza kukaa na moto mrefu kuliko simu nyingi za android

Pia zingatia betri ikiwa kubwa simu inachukua masaa mengi kujaa hasa kama hakuna fast chaji

Chaji ya infinix hot 10 play inapeleka umeme kidogo

Hivyo betri inaweza chukua zaidi ya masaa matatu kujaa

Ukubwa na aina ya memori

Kuna matoleo mawili tu ya hot 10 play kwenye upande wa memori

Unaweza kukutana na infinix ya 32 GB na infinix ya 64 GB.

Infinix ya memori kubwa inakuwezesha kuhifadhi vitu vingi

Ila memori zake hazina kasi kubwa ya kusafirisha data

Kitu ambacho kinaweza kufanya simu kufungua baadhi ya app taratibu

Uimara wa bodi ya infinix hot 10 play

Hii ni simu ya daraja la chini

Kama ilivyo simu nyingi za aina hii, hot 10 play ina plastiki upande wa nyuma na pembeni

Bodi za plastiki ni za bei nafuu na uimara wake huwa sio mkubwa

Hivyo mtumiaji wa simu analazimika kuweka kava na protector

Ili kuimarisha uimara wa simu hasa inapoanguka kwa kimo kirefu.

Kama unapenda simu ndefu infinix hot 10 play inakupa unachokipenda

Ubora wa kamera

Kamera za hot 10 play hazina ubora mzuri.

Kwa maana haitumii teknolojia ya ulengaji yenye usahihi mkubwa kutambua kinachopigwa kwa haraka

Kwani infinix hii ina autofocus aina ya AF ambayo ni ya kizamani

Kamera nyingine ni ya QVGA ambayo huwa na resolution ndogo hivyo utoaji wa picha ni mbaya

Kamera zake zinarekodi video za aina moja tu za full hd kwa spidi ya 30fps

Ubora wa Software

Hot 10 Play ni simu ya android 10 toleo la Go Edition

Go Edition ni aina ya android maalumu kwa simu zenye utendaji mdogo

Hivyo ni mfumo endeshi unaokuja na app za muhimu kwa matumizi ya kila siku

Go Edition inaongeza ufanisi wa simu kiasi fulani kama uwezo wake ni mdogo

Yapi Madhaifu ya infinix hot 10 play

Mfumo wake kamera hauwezi kutoa picha na video nzuri

Kwani Infinix hawajaweka autofocus nzuri angalau ya PDAF

Kioo chake kina resolution ndogo iliyokinyume na viwango vya sasa

Simu haina ulinzi madhubuti wa kuifanya kudumu muda mrefu bila kupoteza uzuri wa bodi ya simu

Inatumia aina ya memori zenye kusafirisha data kwa kasi ndogo

Kubwa zaidi ina processor yenye nguvu ndogo.

Hivyo si simu nzuri kwa mtumiaji mwenye matumizi mengi

Neno la Mwisho

Bei ya Infinix hot 10 play haiendani na sifa zake

Kuna simu nzuri za laki tatu za oppo na redmi ambazo uwezo wake ni wa kuridhisha

Zifuatilie hapa, simu za oppo za bei rahisi

Lakini kama ni shabiki wa simu za infinix basi simu inafaa kuwa nayo

Itakuwa jambo zuri kama utaipata simu kwa chini ya laki tatu