Simu ya Tecno Spark 8 Pro ni tecno mpya ya mwaka 2022 iliyotoka mwezi wa kwanza

Ni moja ya tecno ya macho matatu yenye utendaji wa wastani

Bei ya tecno spark 8 pro kwa maeneo mengi Tanzania inaanzia shilingi laki tatu

Hii imu inatofautina na kiuwezo na sifa na simu ya tecno spark 8 ya mwaka 2021

Ukizisoma sifa zote za spark 8 pro utagundua kuna maboresho na spark ya mwaka 2021 pamoja na tecno spark 5

Bei ya Tecno Spark 8 Pro Tanzania

Bei ya Tecno Spark 8 Pro inatofautiana kulingana na ukubwa wa memori

Spark 8 Pro ya 64GB inauzwa shilingi 310,000/=

Bei yake inaakisi ubora wa simu na zinashabihiana hasa ukiziangalia sifa zake upande wa processor

Tecno spark 8 pro ina bei sawa na infinix hot 10 play ila tecno ina uwezo mkubwa zaidi

Sifa za Tecno Spark 8 Pro

Upi ubora wa Tecno Spark 8 Pro

Simu ina betri inayokaa na chaji masaa mengi

Chaji yake inapeleka umeme mwingi unaojaza betri masaa machache

Spark 8 Pro ni simu yenye uwezo wa kuridhisha kwa sababu ya aina ya chip inayotumia

Moja ya kamera yake ina sensa kubwa

Pia inakuja na nafasi kubwa ya kujaza vitu vingi

Uwezo wa Network

Tecno Spark 8 Pro ni simu ya 4G aina ya LTE Cat 7

Spidi ya kudownload ya juu zaidi ni 300Mbps

Hivyo mafaili makubwa yanaweza kudownloadiwa kwa haraka kama mtandao wa simu unatoa kasi kubwa

Network ya 4G ina network bands zote ambazo laini za halotel, vodacom, tigo, ttcl na airtel inatumia

Hivyo mtumiaji ana uwanja mpana wa kuchagua mtandao anaoutaka

Ubora wa kioo cha Tecno Spark 8 Pro

Kioo cha tecno spark 8 pro ni aina ya IPS LCD.

Japokuwa huwa ni kioo chenye rangi chache ukilinganisha na amoled ila ubora upo juu kiasi

Kwa sababu kioo kina resolution kubwa ya 1080 x 2460 pixels tofauti na spark 8 yenye resolution ndogo

Uangavu wake si mkubwa

Hivyo kwenye jua kali screen inaweza isionyeshe vizuri

Nguvu ya processor MediaTek Helio G85

Processor ya simu ya Tecno spark 8 ni mediatek helio g85

Ni chip ya toleo la kati hivyo utendaji wake ni wastani

Ni chip ya core nane inayoipa spark ya 2022 nguvu ya kuweza kucheza gemu za aina nyingi

Kwenye geekbench 5, processor ina alama 358

Uwezo huu unachangiwa na muundo wa core kubwa mbili

Core kubwa zina kasi inayofika 2.0 GHz na ni za Cortex A75

Cortex A75 ni muundo unaweza kufanya kazi nyingi kubwa kwa wakati mmoja.

Kuielewa processr ya Helio G85, pitia uwezo wa kiutendaji wa simu ya tecno camon 17

Uwezo wa betri na chaji

Simu ya spark 8 pro ina betri kubwa inayoweza kukaa na chaji masaa mengi

Ukubwa wa betri yake ni 5000mAh

Simu nyingi zinazotumia betri la ujazo huu hukaa na chaji kwa zaidi ya masaa 14 simu ikiwa inatumia intaneti muda wote

Hivyo hata hii simu itakuwa na uwezo huo

Betri yake inaweza kuwahi kujaa chini masaa mawili wakati wa kuchaji

Kwa sababu ina chaji yenye kasi ya kupeleka umeme wa wati 33

Simu yenye chaji ya aina ni kama Redmi Note 10

Redmi Note 10 hujaa ndani ya dakika 80, hivyo hata tecno inaweza kujaa kwa muda huo

Ukubwa na aina ya memori

Kuna matoleo mawili ya tecno spark 8 pro upande wa memori

Kuna ya 128GB n a 64GB

Ukubwa wa memori unatosheleza simu kuwa na app nyingi.

Na pia kuhifadhi mafaili mengi

Ila memori zake hazina kasi kubwa ya kusafirisha data kwa kasi

Hilo linatokana na memori ya simu kuwa ni aina ya eMMC 5.1 badala ya UFS

Hvyo simu inaweza kuwaka kwa taratibu na baadhi ya app kufunguka kwa taratibu

Uimara wa bodi ya Tecno Spark 8 Pro

Simu imetengenezwa kwa plastiki upande wa nyuma na upande wa pembeni (fremu)

Kikawaida bodi za plastiki zinahitaji kava kuepusha kuchunika kwa rangi

Uimara wake huwa sio mkubwa kama simu zilizo na glasi za gorilla upande wa nyuma

Simu ni ndefu na ni nzito kiasi fulani.

Urefu na upana wake ni inchi 6.8

Ubora wa kamera

Tecno spark 8 pro ni simu yenye jumla ya kamera tatu

Ila ni kamera moja tu ndio yenye ubora stahiki japo si sana

Kamera hiyo ina ukubwa wa resolution ya 48MP na inatumia teknolojia ya ulengaji ya PDAF

Kamera nyingine ya qvga resolution yake inatoa picha mbaya.

Ni kamera za kizamani ambazo simu nyingi haizutumii kwa miaka hii

Kamera ina uwezo mdogo wa kurekodi video za aina nyingi

Kwani inaweza kurekodi video za full hd kwa kasi ya 30fps pekee

Ubora wa Software

Spark 8 Pro ni simu inayokuja na toleo la android 11 japokuwa ni simu ya mwaka 2022

Na inatumia software ya tecno ya HIOS 7.6

HIOS 7.6 inaruhusu kufanya vitu vingi bila kuroot

Yapi Madhaifu ya Tecno Spark 8 Pro

Udhaifu mkubwa wa simu upo kwenye kamera

Mfumo wake wa kamera haujawekewa mfumo wa kutuliza video wakati wa kurekodi

Ulengaji wake si wa kiwango kikubwa kwa sababu haina dual pixel pdaf

Na pia simu haina viwango vya IP angalau IP53

Hivyo inaonyesha spark ya 2022 haina uwezo wa kuzuia maji kama ilivyo kwa spark ya 2021

Kuzifahamu simu zisizopitisha maji, zitazame hapa simu mbalimbali za sony

Neno la Mwisho

Bei ya tecno spark 8 pro inaifanya simu kuwa simu nzuri ya daraja la chini.

Kwa maana hata simu za redmi za bei rahisi huuzwa kwa bei sawa na hii spark

Na unafuu huo unakuja kutokana na simu kuwa na chip yenye uwezo wa kati

Hivyo kwa mtumiaji wa simu ambaye anapenda simu inayokaa na chaji masaa mengi basi Tecno Spark 8 Pro itamfaa sana