Vivo Y19s ilitoka mnamo mwezi wa kumi mwaka 2024

Ni simu ya daraja hivyo gharama yake sio kubwa sana

Kwa Tanzania, bei ya Vivo Y19s ni shilingi LAKI NNE

Hii simu ina vitu vichache vikubwa ikizangatiwa inawalenga zaidi watumiaji wa kawaida

Hivyo katika hii post kuna maelezo ya kina katika vipengele kadhaa

Vipengele vilivofafanuliwa vitakupa muongozo juu ya uwezo wa hii simu na mahitaji yako

Sifa za Vivo Y19s

Uwezo wa Network

Vivo Y19s ni simu ya 4G inayosapoti laini za kawaida

Kwa maana haisapoti teknolojia za eSIM

Aina ya 4G inayotumia ni LTE Cat 7

Kasi ya LTE Cat 7 ni 300Mbps upande wa kudownload

Kwa maana kama mtandao unakupa hii kasi basi vitu vikubwa vitakuwa vinamalizika kwa muda mfupi

Kwa bahati sehemu kubwa ya mitandao Tanzania watu wanapata kasi ya chini ya Mbps 100

Ubora wa kioo cha Vivo Y19s

Kioo chake ni cha aina ya IPS LCD chenye resolution ndogo

Hata hivyo kinaambatana na refresh rate ya 90Hz, ambayo ni kubwa

Uzuri mwingine ni kuwa kioo chake ni angavu kinafika nits 1000

Hivyo unaweza tumia simu katika mazingira yoyote na kioo kikawa kinaonyesha vitu vizuri

Nguvu ya processor Unisoc Tiger T612

Kama ilivyotanguliwa kuelezwa ni kwamba hii ni simu ya daraja la chini

Na inaambatana na vitu vingi vyenye ubora wa kawaida

Hivyo hata processor iliyopo sio kwa ajili ya kufanya vitu vikubwa kama magemu makubwa kubwa

Kwa sababu processor yake unisoc tiger t612 ina muundo wa cortex a75 kwenye core zenye nguvu

Na hivyo basi utendaji wake sio mkubwa

Uwezo wa betri na chaji

Hii simu betri yake ina ukubwa 5500mAh

Ni betri hivyo lazima simu itakuwa na ukaaji wa chaji wa muda mrefu

Chaji yake inapeleka umeme wa wati 15

Umeme wa wati 15 unachukua muda mrefu kujaza betri kubwa

Kwa sasa baadhi ya simu za laki nne huwa na chaji za wati 30

Ukubwa na aina ya memori

Vivo Y19s inatumia muundo wa memori wa eMMC

Ni muundo wa kitambo kizamani kutokana na kasi yake kuwa ndogo

Tofauti na muundo unaotumika sana sasa wa UFS

Upande wa memori, zipo vivo za aina mbili ambapo kuna ya GB 64 na GB 128

Huku mgawanyo wa RAM ukiwa wa GB 4 na GB 6

RAM kubwa ndio inafaa kukupa ufanisi zaidi

Uimara wa bodi ya Vivo Y19s

Hii simu imeundwa kwa bodi ya plastiki upande wa nyuma na mbele

Ila ni imara kuzuia vumbi na maji ya kunyunyulizika katika pande zote

Kwa maana inaambatana na viwango vya IP64

Hata hivyo ni muhimu kuiwekea kava japo ina uthibitisho wa MIL-STD-810H

MIL-STD-810H inaamanisha simu inaweza kutumika kwenye mazingira yote korofi

Ila hata hivyo umakini unatakiwa

Ubora wa kamera

Vivo Y19s ina kamera moja yenye lenzi ya megapixel 50 ikiwa na teknologia ya autofocus aina PDAF

Hii simu inaweza kurekodi video za full hd pekee kwa kiwango cha 30fps

Japo lenzi ni kubwa ila processor yake hawezi kuchakata resolution kubwa

Kiujumla ni kwamba mfumo wake kamera ni wa kawaida

Ubora wa Software

Vivo Y19s inatumia android 14 na haijaainishwa popote kama itapokea Android 15

Mbali na Android 14, mfumo mwingine ni Funtouch 14

Kwa wapenda kamera, funtouch 14 inakupa filters zaidi ya 14

Kwa hiyo utaboresha muonekano wa picha kwa namna inavyokupendeza

Na kitu kingine ni uwepo wa app ya smart mirroring inayokuwezesha kushea skrini ya simu yako kwenye kifaa kingine

Washindani wa Vivo Y19s

Yapo matoleo mengi sana ya daraja hili ambayo yametoka mwaka

Matoelo hayo kuna Infinix hot 50, Tecno Spark 30, Redmi 14C  na hata Samsung Galaxy A06

Hayo matoleo yana sifa nyingi zinazofanana na Vivo Y19s

Neno la Mwisho

Bei ya Vivo Y19s ni ya wastani ila inaweza kuwa ina changamoto kwa kutazama simu nyingine za madaraja ya kati na ya chini

Maana kwa bei hii mtu anaweza akapata simu kali inayotumia vioo vya amoled, yenye kamera ya ultrawide na chaji ya wati zaidi ya 25

Lakini ni simu inayoweza kukidhi mahitaji mengi kwa mtumiaji asiyehitaji mambo mengi