SimuNzuri

Zigundue Sifa Za Simu Bora Kiundani

Ubora na bei ya Infinix Note 10 Pro 2022

Sifa za simu

Sihaba Mikole

April 15, 2022

Simu ya infinix note 10 pro ni simu iliyotoka katikati mwa mwaka 2021

Pamoja na kupita miezi mingi infinix note 10 pro bado ina ubora unaoweza kushindana na matoleo mapya ya simu za 2022

simu ya infinix note 10 pro upande wa kioo na nyuma

Itazame sifa ya hii simu upande wa processor, kamera na memori.

Utakachokiona ni sifa zile zile zinazopatikana kwenye simu mpya nyingi za android

Ndio maana hata bei ya infinix note 10 pro haijapungua kivile mpaka sasa.

Bei ya infinix note 10 pro

Bei ya infinix note 10 pro inatofautiana kulingana na ukubwa memori na ram

Infinix note 11 pro ya GB 128 na RAM ya GB 4 inauzwa shilingi 450,000/= kwenye baadhi ya maduka kariakoo

Wakani infinix ya GB 128 na RAM ya GB 8 inauzwa  shilingi 630,000/=

Kwa kutazama ubora wake, sifa na washindani wake, simu inaonekana kuwa na bei ya juu kidogo

Sifa za Infinix note 10 pro

Sehemu Za Simu Sifa za Simu
Network 2g, 3g, 4g
Processor(SoC)
  • CPU – Mediatek Helio G95
  • Core Zenye nguvu(2) – 2×2.05 GHz Cortex-A76
  • Core Za kawaida(6) – 6×2.0 GHz Cortex-A55
  • GPU-Mali-G76 MC4
Display(Kioo) IPS LCD, Refresh rate:90Hz
Softawre
  • Android 11
  • XOS 7.6
Memori UFS 2.2, 128GB,64GB,256GB na RAM 8GB,6GB
Kamera Kamera nne(Infinix macho manne)

  1. 64MP,PDAF(wide)
  2. 8MP(ultrawide)
  3. 2MP(monochrome)
  4. 2MP(depth)
Muundo Urefu-6.95inchi
Chaji na Betri
  • 5000mAh-Li-Po
  • Chaji-33W
Bei ya simu(TSH) 450,000/=

Upi ubora wa Simu ya Infinix note 10 pro

Utaupata ubora wa simu ya infinix note 10 pro kwenye display yake.

Ni nyepesi unapotachi na inakupa ufanisi mkubwa unapocheza gemu

Ina chaji yenye kasi na betri yake inahifadhi umeme muda mrefu

taarifa ya infinix note 10 pro

Simu inatumia aina ya memori yenye kasi kubwa kusafirisha data za simu

Ubora wa nyanja zingine umegawanyika, kuna madhaifu na uimara.

Tuzame kiundani kwenye kila sehemu ya simu

Uwezo wa Network

Simu ya infinix note 10 pro inkubali network za aina zote isipokuwa 5G

Simu ina network bands za 4G zinazoshika intaneti ya mitandao yote ya 4G hapa Tanzania

Aina ya 4G iliyotumika ni LTE Cat 12

network ya simu ya infinix note 10 pro

LTE Cat 12 inaweza kudownload kwa spidi ya juu inayofikia 600Mbps

Kwa bahati hakuna mtandao wa simu unaotoa kasi hii ya 4G hapa nchini

Hii simu ina network bands 13, hivyo itakubali intaneti ya 4G kwenye nchi nyingi hasa za kiafrika

Ubora wa kioo cha Infinix note 10 pro

Kioo cha infinix note 10 pro ni cha ips lcd chenye refresh rate ya 90Hz

Vioo vya IPS LCD ni vya bei rahisi ila vina changamoto ya kuonyesha rangi kwa usahihi hasa rangi nyeusi

Refresh rate ya 90Hz inafanya simu kucheza gemu kwa burudani

Simu inakuwa nyepesi.

Kioo chake kina resolution inayoonyesha vitu kwa ustadi,

Kwani resolution yake ina pixels 1080×2460

Nguvu ya processor Helio G95

Processor ya Helio G95 ni chip ya simu ya daraja la kati.

Hii ni processor yenye core nane zilizogawanyika mara mbili

Kiutendaji, chip ina nguvu na inayoifanya infinix note 10 pro kucheza gemu nyingi kwa urahisi

processor ya infinix note 10 pro aina ya helio g95

Helio G95 inapata alama za juu pia kwenye app zinazopima nguvu ya processor

Antuntu inaipa chipset alama 342626

Na geekbench inaipa alama 518 kwenye core moja

Aina ya mgawanyo wa core zinaipa uwezo wa juu simu katika kutumia applikesheni ya simu yoyote

Uwezo wa core ndogo

Kuna core kubwa mbili ambazo hutumika kusukuma app zinazohitaji nguvu kubwa

Kila core ina spidi inayofikia 2.05GHz

Utendaji wa core ni wa wastani na unaweza kucheza gemu kubwa kwa resolution tofauti tofauti

Hii ni kwa sababu core zenye nguvu zimeundwa na Cortex A76

Uwezo wa core kubwa

Kuna core ndogo sita zenye spidi inayofikia 2.0GHz

Hizi core zinatumia muundo wa Cortex A55, ni maalumu kwa kazi ndogo ndogo.

Ni muundo unaotumia umeme mdogo zaidi ukilinganisha Cortex A53

Uwezo wa betri na chaji

Betri ya hii smartphone ya 2021 ina ukubwa wa 5000mAh aina ya Li-Po

Hili ni aina ya betri inayoweza kutumika muda mrefu bila kuisha chaji kwa haraka.

spidi na ukubwa wa chaji ya infinix note 10 pro

Chaji yake inapeleka umeme wa kasi unaofikia Wati 33

Ni aina ya chaji itakayoweza kujaza simu kwa haraka chini ya masaa mawili

Ukubwa na aina ya memori

Infinix note 10 pro ina mfumo wa memori unaosafirisha data kwa kasi

Kasi yake ya kuandika data inafika 1200MBps.

Kama unakopi faili la ukubwa wa GB 1.2, simu inaweza kulikopi ndani ya sekunde

Na faida nyingine ya memori za UFS 2,2 ni kuwasha simu kwa haraka

Infinix hii zipo za GB 64 na ram ya GB 6, GB 128 na RAM GB 8, GB 256 na RAM GB 8

Ukubwa wa memori unatosha kuhifadhi app nyingi na mafaili ya kutosha pia

Uimara wa bodi ya Infinix note 10 pro

Kwa bahati mbaya sikufanikiwa kuzipata taarifa nyingi kuhusu aina ya bodi ya simu kama ni kioo au plastiki.

Kitu cha uhakika simu haijatumia vioo vya gorilla glass ambavyo ni vigumu kuchunika na kupasuka

Bodi yake ni ndefu inayokaribia inchi saba.

Kwa mtu anayependa simu pana basi atafurahia kuwa na hii infinix

Kutokana na simu kuwa ndefu, uzito wake pia umeongozeka

Kwani gramu zake zinafika 209

Ubora wa kamera

Kamera kuu ina sensa yenye resolution ya 64MP

Wingi wa megapixel unaweza kusaidia digital zoom kutopoteza ubora wa picha.

kamera ya infinix note 10 pro

Ikizingatiwa, simu haina telephoto

Kamera zake zinaweza kurekodi video za 4k na full hd kwa spidi ndogo ya 30fps

Kitu kinachokosekana kwenye mfumo wa kamera ni OIS na gyro-eis,

Pia infinix hawajazingatia matumizi ya autofocus bora zaidi kama dual pixel pdaf

Ubora wa Software

Infinix note 10 pro inatumia mufmo wa android toleo la 11.

Na simu inatumia mfumo wa XOS 7.6

XOS 7.6 ina vitu vingi vizuri

Ila moja linaloweza kukuvutia ni uwepo wa app inayoficha taarifa zako za kibenki na password mbalimbali

Kwenye mfumo wa xos kuna app ya Xhide

Xhide inaweza kuficha picha, taarifa za kibenki na mengineyo.

Ili mtu mwingine aangalie taarifa zako atahitaji kukushirikisha

Fahamu zaidi kuhusu mfumo wa XOS 7.6

Yapi Madhaifu ya Infinix note 10 pro

Hii ni infinix yenye ubora mwingi tu hivyo simu ilipaswa itumie vioo bora vya amoled au oled

Baadhi ya simu za laki nne kama redmi note 10 ina vioo vya amoled

Kwenye kamera hakuna kamera ya telephoto

Bei ya infinix note 10 pro inaonekana kuwa kubwa ukilinganisha na ubora wa simu kiujumla

Simu inakosa ulinzi wa kuzuia maji kupenya ndani ya bodi ya simu

Hakuna ishara ya kupokea toleo jipya la android 12

Neno la Mwisho

Hii ni simu moja ya simu bora za infinix kutokana na uwezo mkubwa wa processor

Japokuwa washindani wapo wengi.

Zipo simu za kampuni zingine zenye processor ya Helio G95 na processor zenye nguvu zaidi G95

Baadhi ya hizo simu ni Realme Narzo 30 inayouzwa kwa 520,000/=

Kuna tecno camon 17 pro lakini pia simu ya vivo t1 5g ambayo ina uzuri kuliko hii infinix

Lakini infinix note 10 pro ni moja ya simu nzuri ya infinix yenye kamera nzuri

Maoni na Maswali

Email yako haitochapishwa, kwenye alama * lazima pajazwe ili ukomenti

SimuNzuri

Zigundue Sifa Za Simu Bora Kiundani

E-mail : simunzuriblog@gmail.com

Simu: +255 683 420 543

Whatsapp: +255 756 077 262

Kabila, Magu

Mwanza, Tanzania

Company

Find Us On

FB Twitter Instagram