Simu ya Tecno Spark 8P ni simu ambayo imezinduliwa mwaka 2021

Baadhi ya sifa za Tecno Spark 8P zinaifanya Spark 8P kuwa simu nzuri ya bei nafuu kwa mwaka 2022

Kwa nini?

Sifa za betri zinafanya simu kukaa na chaji muda mrefu.

Memori kubwa ya Spark 8P inaweza kuhifadhi mafaili mengi

Hii ni moja ya simu ya android inayouzwa chini ya laki tatu.

Tazama jedwari kufahamu sifa zote na bei ya Tecno spark 8P

Sifa za Tecno Spark 8P

Upi ni ubora wa Simu ya Tecno Spark 8P

Ubora wa tecno spark 8p upo katika sehemu mbili.

Sehemu ya kwanza ni memori

Memori yake ina ujazo wa kuhifadhi mamia ya apps

Na sehemu ya pili ni betri.

Tecno Spark 8P ina betri kubwa.

Uwezo wake wa processor unatumia umeme kidogo

Hii sio simu ndogo kiupana na kierufi

Mkanganyiko upo kwenye sifa zingine kama utakavyoona baada kusoma mada yote

Network ya Tecno Spark 8P

Simu ya Tecno Spark 8P inakubali mitandao yote kama ilivyo Tecno Spark 7P

Simu inakubali ainakubali 3G na 4G.

4G yake ipo kundi la nne yaani LTE Cat 7

Tofauti na simu ya Vivo T1 5g

Spidi ya juu ya kudownload inafikia 300Mbps sawa na 35MBps

Iwapo mtandao wa simu inakupa spidi ya 35Mbps,

Basi simu inadownload file la 1300MB kwa sekunde 37

Hakuna mtandao wa simu unatoa kasi ya aina hii Tanzania

Ubora wa kioo cha Tecno Spark 8P

Aina ya kioo kinachotumia na Tecno spark 8p ni IPS LCD

Kioo cha tecno spark 8p kina resolution 1080 x 2408 pixels

Ukubwa huu wa resolution unaonyesha vitu vizuri kwenye screen

Miaka ya nyuma IPS LCD vilikuwa vinaongoza kwa ubora.

Ila vina shida ya kuwa na contrast ndogo ukilinganisha na Amoled.

Hivyo huwa vina rangi chache

Kitu kibachosababisha baadhi ya vitu kutoonesha rangi halisi.

Nguvu ya processor MediaTek Helio G70

Processor ya simu inayoutmiwa na hii Tecno ni MediaTek Helio G70.

Ni chip yenye core nane (Octa-core

MediaTek Helio G70 ina nguvu ya wastani.

Ndio maana gemu la Call of Duty: Mobile linacheza kwenye resolution ndogo.

Na kwa spidi ndogo.

Hata hivyo MediaTek Helio G70 inaweza kufungua apps nyingi kwa urahisi

Uwezo wa core kubwa

Kuna core nne zenye nguvu kubwa

Kila core ina spidi ya 2.0GHz

Na core zote zinatumia muundo Cortex A75

Kipindi Cortex A75 imetoka 2017 ilitumika kwenye simu za daraja la kati

Kiutendaji, inaizidi Cortex A73 kwa 16% mpaka 46%

Cortex A73 ni Kryo 260 gold upande wa snapdragon

Kryo 260 imetumika kwenye chip ya Snapdragon 662

Snapdragon 662 inaipa nguvu simu ya Nokia 5.4

Hivyo Tecno Spark 8P inaizidi simu ya Nokia 5.4 kiutendaji

Uwezo wa core Ndogo

Core zenye nguvu ndogo zipo nne.

Kila core ina spidi ya 1.7GHz

Na core zote zimeundwa kwa Cortex A55

Cortex A55 ina utendaji unatumia umeme mdogo.

Cortex A55 inasaidia kuhifadhi betri pale simu inapofanya kazi ndogo ndogo.

Hii ni core maalumu inayofanya shughuli zisizohitaji nguvu kubwa

Cortex A55 ni bora kuliko Kryo Silva ya Snapdragon.

Uwezo wa betri na chaji

Ukubwa wa betri ya tecno spark 8p ni 5000mAh(Li-Po).

Simu nyingi ziazotumia betri la sazi kubwa kama hii hukaa na chaji muda mrefu

Kwa kuzingatia nguvu ndogo ya processor,

Tecno hii inaweza kukaa na chaji kwa zaidi ya masaa 14 simu ikiwa kwenye intaneti.

Tecno hawajainisha spidi ya chaji

Hii inaonesha simu haina fast chaji

Ukubwa na aina ya memori

Memori za spark 8P ni aina ya eMMC.

Spidi yake ya kuandika na kusoma mafaili ni ya wastani ukilingansiha na UFS

Kuna Tecno spark 8p za aina tatu kwenye memori

1. 64GB, 4GB RAM
2. 128GB, 4GB RAM
3. 256GB, 4GBRAM

Kiujumla memori zake ni kubwa

Uimara wa bodi ya Tecno Spark 8P

Fremu na upande wa nyuma wa hii tecno una plastiki.

Na ina kioo sio cha gorilla kwenye screen.

Lieke akilini hili.

Plastiki huwa na kawaida ya kuchunika rangi kadri simu inavyotumika mara kwa mara

Kwa ulinzi wa muda mrefu kava inahitajika

Simu ni nyepesi kuebeba na nyembamba kiasi

Kwana ina unene wa milimita 8.85

Ubora wa kamera

Kamera za tecno spark 8p ziko tatu.

Kamera kuu ina resolution kubwa ya 50MP inayopiga eneo pana kiasi

Kamera ya pili ni aina ya depth yenye 2MP

Moja ya depth camera ni kufanya mahesabu ya umbali kati ya kamera na kinachpigwa picha.

Inasaidia kamera kukilenga hiko kitu kwa usahihi

Kamera ya tatu ni kamera VGA

VGA ni kamera za kizamani zenye pixel chache

Picha na video za VGA sio nzuri kwani hutoa resolution ndogo ya 640×480 pixels

Ubora wa video

Tecno spark 8p inaweza kurekodi video za aina moja tu.

Simu inarekodi vidoe za full hd(1080p) kwa spidi ya 30fps

Hakuna video za 4k wala 8k

Ubora wa Software

Tecno spark 8p ni simu ya android 11 yenye HiOS 7.6

Tazama vitu vilivyopo kwenye HiOs kwenye huu ukurasa wa tecno

Bei ya Tecno Spark 8P Tanzania

Bei ya tecno spark 8p inafika shilingi 260,000/=

Japokuwa kwa Tanzania Tecno Spark 7P zinapatikana kwa urahisi kuliko tecno spark 8p

Ila natumai ukizunguka maduka ya kariakoo mitaa ya uhuru unaweza ukaipata hii zimu

Tazama: simu zingine za bei nafuu

Yapi Madhaifu ya Tecno Spark 8P

Kiuhalisia simu ina mapungufu mengi.

Utayajua baadhi.

Kamera zake hazina teknolojia nzuri ya autofocus aina dual pixel pdaf

Hakuna kamera iliyowekea OIS kutuliza mitikisiko ya video inayorekodiwa wakati wa kutembea

Processor ya spark 8p haina nguvu kubwa kama ya kwenye Redmi note 11 pro+ 5g

Simu haitumii vioo vizuri aina ya amoled na gorilla glass

Pia simu imeundwa kwa plastiki na haina viwango vya IP rating

IP rating huonesha uwezo wa simu kuzuia maji.

Neno la Mwisho

Kitu kimoja cha kuweka akilini kuna matoleo mawili ya simu ya Tecno spark 8p

Kuna Tecno spark 8p yenye nguvu ndogo inayotumia procrssor ya Helio P22

Unapaswa kuwa makini unapotaka kununua hii simu