Kwa mwaka 2024, soko la simu janja yaani smartphone duniani lilitawaliwa na makampuni ya Apple, Samsung, Xiaomi, Vivo na Oppo

Kwa hapa Afrika kampuni ya Samsung inaongoza kwa mauzo ikifuatiwa na Tecno, Apple, Infinix, Huawei na Xiaomi

Kwenye hii post tunaenda kuangalia simu bora duniani kwa mwaka 2024 kwa kuzingatia vigezo vya

1. Bei nafuu uwezo mkubwa
2. Uwezo wa betri
3. Ubora wa kamera
4. Muundo wa simu
5. Ubora na sapoti ya software
6. Na nguvu ya utendaji

Hivyo basi baadhi ya simu zinazoongoza kimauzo kwa sasa hazitokuwepo kwenye hii orodha

Samsung Galaxy S24 Ultra

Samsung Galaxy S24 imekamilika katika idara zote na ndio simu kwa mwaka 2024 kwa mujibu wa maoni mengi

Utendaji wa simu ni mkubwa sababu ya kutumia chip ya Snapdragon 8 Gen 3

Simu hii itakuwa inapokea matoleo mapya android kwa miaka saba mfululizo

Simu ina peni(stylus) kwa ajili ya kutumia kwenye skrini

Inaambatana na mifumo ya akili bandia kama vile kutafsiri sauti inayopiga simu kuwa lugha nyingine kwa maandishi

Kamera zake zote ni nzuri na ubora wa picha haupungui ni mzuri katika mazingira yote yaani mchana na usiku

Ni rafiki kuitumia maana ina miundo wa multitask

Vivo X200 Pro

Vivo X200 Pro ni moja ya simu zenye kamera nzuri sana

Hii simu inaweza kurekodi mpaka video za 8K

Na utendaji wake ni mkubwa maana chip yake ya Dimensity 9400 nguvu yake ni kubwa

Yenyewe inatumia android 15, itapokea matoleo mapya ya android kwa miaka minne mfululizo

Muonekano wake wa Funtouch 15 ni simple na mpangilio wake app ni rahisi kutumia

Simu inaweza kukaa na chaji kwa takribani masaa kumi na tano

iPhone 16 Pro Max

Linapokuja swala la utendaji na kamera, iPhone 16 Pro Max inaweza ikawa inaongoza kwa mwaka 2024

Hii ni simu ya kamera tatu na imekuja na kitufe cha ziada cha kukuwezesha kuwasha kamera kwa haraka

Mfumo wake wa software uko smooth sana na hauna matangazo kabisa

Na simu za iphone hupokea matoleo mapya ya iOS mara kwa mara

Katika majaribio mengi, iPhone 16 Pro Max inakaa na chaji mpaka masaa 18 kwa matumizi ya kawaida

Muundo wake una kamera tatu na ina urefu wa inchi 6.9

Google Pixel 9 Pro XL

Kigezo kikubwa kinachoipa nafasi hii simu kuwa moja wa simu bora ni ubora mkubwa kwenye kamera

Kamera yake inaambatana na mifumo ya Artfificial Intelligence

Kwa mfano, mko wawili na mnataka mtokee kwenye picha moja na hakuna mtu wa tatu wa kuwapiga

Google pixel inaweza kutatua hiyo changamoto kwani inaweza kuunganisha picha na kuonekana kama mmepiga kwa pamoja

Hili ni eneo moja wapo ila pia ubora upo mwingi katika maeneo mingine mengi

Moja wapo ni kuwa itapata matoleo mapya ya Android kwa miaka 7 mfululizo

Nothing Phone 2A

Bei ya Nothing Phone 2A inakaribia laki nane

Ubora wa simu unaachwa mbali na simu zilizopo hapa, ila ina kitu kimoja kikubwa sana cha kuzingatia

Ni kwamba bei yake inakupa vitu vingi vinavyopatikana katika matoleo mengi yaliyopo hapa

Karibu simu bora nyingi bei zake zinaanzia milioni mbili kwenda juu

Wakati huo nothing phone 2A inakupa simu inayopokea android mpya kwa miaka 3

Kioo chake ni kizuri kina hdr10+ na refresh rate ya 120Hz

Betri yake inaweza kudumu kwa takribani masaa 16 kwa matumizi ya kawaida

Oppo Find X8 Pro

Oppo Find X8 Pro imetoka mwezi Oktoba 2024

Hii inatarajiwa kuwa itapokea matoleo mapya ya android kwa kipindi cha miaka miaka minne

Muonekao wake ColorOS 15 hauna tofauti sana na mionekano ya simu zingine

Ila kuna vitu vya ziada vinavyoambatana na hii simu

Kwa mfano uwezo wa kufupisha taarifa ndefu na kuwa fupi na pia inabadilisha maandishi kuwa matamshi

Na vitu vingine ambavyo kwa sasa ni vya kawaida ikiwemo Gemini

ZTE Nubia Red Magic 10 Pro

ZTE Nubia Red Magic 10 Pro ndio simu yenye betri kubwa zaidi kwa mwaka 2024

Hii ni simu janja ambayo imeundwa kwa ajili ya kucheza magemu

Red Magic 10 Pro inakaa na chaji karibu masaa kumi na nane kwenye matumizi ya kawaida

Kama ukiwa unacheza gemu wakati wote, chaji itaisha baada ya masaa kumi na tatu

Hii simu imetengenezewa mifumo ya kupooza simu hivyo hautoona simu ikipata joto jingi kupitiliza

Kitu kimoja ambacho kipo nyuma ni kutokupata matoleo mapya ya Android kwa muda mrefu

Maana inapokea toleo jipya mara moja tu yaani itapata android 16 pekee

Huawei Mate XT Ultimate

Huawei Mate XT Ultimate sio bora sana kama kisifa kama simu zingine

Kinachoipa sifa kubwa ni muundo wake

Hii ni simu skrini tatu, yaani ni simu ya kujikunjua mara mbili na kuifanya skrini kuwa kubwa kama tablet

Huu muundo wa Tri-Fold ni wa kipekee kwani mpaka sasa hakuna simu ya muundo huu

Siku hizi hakuna mabadiliko makubwa ya simu

Ila Huawei Mate XT Ultimate imekuja kitofauti sana

Honor Magic V3

Honor Magic V3 ni simu ya kujikunja na ina nguvu ya kiutendaji

Kama ilivyo kwa simu zingine, AI (Akili mnemba) imechukuwa nafasi kubwa upande wa software

Moja ya kitu utakachokuta ni hiki kinachoitwa Face to Face translation

Ambayo inampa nafasi mtumiaji kutafsiri lugha ya mzunguzaji anayeongea lugha usiyoijua

Utendaji wake ni mkubwa kwa sababu ya kutumia processor ya Snapdragon 8 gen 3

Kamera zake zinapiga picha vizuri ukilinganisha na baadhi ya folding zingine

Google Pixel 9 Pro Fold

Katika simu za fold nzuri na bora kwa mwaka 2024, Google Pixel 9 Pro Fold inaongoza

Kwa nini

Hii ni simu ambayo imekamilika kila idara na muundo wake ni simpo sana na mzuri

Software itakuwa inapata maboresho ya Android kwa miaka 7

Kamera zake tatu zote ni nzuri na zinaweza kurekodi video za 4K

Kulingana na muundo wake, software inakupa nafasi ya kutumia apps zaidi ya mbili kwa wakati mmoja

Na yenyewe inaambatana na mifumo mbalimbali ya AI ikiwemo Gemini

OnePlus 12R

OnePlus 12R ni simu ya daraja la kati inayouzwa chini ya milioni moja

Ufananishi wa bei na aina ya sifa ilizoneza unaweka simu katika kundi la simu bora 2024 duniani

Hii simu ina ufanano na Samsung Galaxy A55

Ila samsung A55 inazidiwa kwa mbali sana kwenye utendaji na ubora wa skrini

OnePlus 12R itapata matoleo mapya ya android kwa miaka mitatu

Ubora wa picha wa kamera zake mbili ni wa kuvutia hasa kwenye usahihi wa rangi na kiasi kidogo cha noise nyakati za usiku

Poco F6

Poco F6 ni simu yenye utendaji mkubwa

Inatumia chip ya Snapdragon 8 Gen 3 ambayo utaikuta kwenye Samsung Galaxy S24 Ultra

Lakini bei ya Poco F6 ni ndogo ambayo ni chini ya laki tisa, japo poco f6 haina ubora kama samsung

Hii simu itapokea matoleo ya Android kwa miaka mitatu na inatumia mfumo HyperOS

HyperOS haina tofauti sana MIUI ambao kwa kweli ulikuwa una changamoto nyingi

Ila mfumo wake kamera ni wa kawaida sana

Asus Rog Phone 9

Asus Rog Phone 9 ni simu nyingine inayomlenga mpenda magemu sana

Ukilinganisha na simu zingine haina vitu vingi vikubwa sana ila ina mfumo mzuri wa kupooza simu kupata joto

Na pia betri lake ni kubwa kwa kiwango cha 5800mAh

Hivyo hii inakaa na chaji masaa mengi sana

Simu ina skrini nzuri kutokana na refresh rate kubwa inayoenda hadi 185Hz

Yaani ni kama skrini ya kompyuta katika magemu

Samsung Galaxy Z Flip6

Samsung Galaxy Z Flip6 ni simu kufunua na kufunika kwa mtindo wa kujikunja

Katika matoleo ya simu za ku-flip hili ni toleo zuri kwa mwaka 2024

Lakini haina ubora mkubwa sana wa kuzipita simu zingine

Maana hata kwenye kamera kuna vitu ina vikosa

Ina skrini yenye hdr10+ hivyo ina kina kikubwa cha rangi

Betri yake sio kubwa ukilinganisha na simu zingine zilizotajwa hapa

iQOO 13

iQOO 13 ina muundo simpo na ina kamera tatu aina ya ultrawide, wide na telephoto

Chaji yake inadumu kwa masaa yapatayo kumi na nane ukiwa katika matumizi ya kawaida

Katika kucheza gemu muda wote simu itaisha chaji baada ya masaa 11

Hii inatokana na betri lake kuwa kubwa (6100 mAh)

Utendaji wake una nguvu inayotokana na chip ya Snapdragon 8 Elite yenye utendaji mkubwa wa zaidi ya 45% ya Snapdragon 8 gen 3

Simu hii inakuja na android 15 na itapokea matoleo ya android kwa miaka minne

Xiaomi 15

Xiaomi 15 imetoka mwishon mwa 2024 mnamo mwezi oktoba

Inatumia processor mpya ya Snapdragon 8 Elite hivyo utendaji wake ni mkubwa

Ina kamera zipatazo tatu  na zinaweza kurekodi mpaka video za 8K

Inasapoti chaji ya wati 90 hivyo betri inawahi kujaa ndani ya muda mfupi

Mfumo endeshi uliopo kwenye simu ni Android 15