Robo ya kwanza ya mwaka 2023 inaelekea kukamilika

Na kuna simu nyingi mpya za makundi tofauti zipo sokoni

Kuna makampuni yameingiza simu bora na nyingine wameingiza simu zenye ubora wa chini

Kwenye hii post kuna orodha ya kampuni 10 bora za simu ambazo zimetengeneza simu nzuri kiutendaji kwenye kila idara

Simu ambazo ni bora kutoka kwenye makampuni haya ni zile za makundi ya kati na daraja la juu.

Samsung

Kampuni ya samsung huwa inatoa simu katika makundi matatu

• Daraja la chini
• Daraja la kati
• Daraja la juu

Simu ambazo huwa ni nzuri sana ni zile za daraja la kati na la juu

Kuna samsung za A-Series mfano ni Samsung Galaxy A10 na Samsung S-series mfano samsung galaxy s10

Kwa mwaka 2023 kampuni hii ya korea kusini imetoa matoleo ya Samsung Galaxy A14, Samsung Galaxy A54, Samsung Galaxy S23, Samsung Galaxy S23+ na Samsung Galaxy S23 Ultra

Galaxy A14, na Samsung Galaxy A54 zinauzwa bei nafuu ila zilizobaki zinauzwa kwa bei ya juu

Simu zote zinakuwa na uwezo wa kupokea matoleo mapya ya android, S-series na A54 hazipitishi maji iwapo ikizama kwenye kina cha mita moja na nusu kwa muda wa nusu saa.

Samsung Galaxy S23 ultra ni simu yenye kamera kali zaidi kwa mwaka huu 2023

Hakuna simujanja inayopiga picha nzuri hata ukiwa mbali kama hili toleo jipya la galaxy

Na pia samsung wanaunda simu nzuri za kujikunja(foldable) kama samsung galaxy fold 4 Z

Apple

Simu mpya kabisa za apple ni zile ambazo zimezinduliwa mwishoni mwa mwaka 2022

Matoleo mapya ya iphone kwa mwaka 2023 yatatoka kuanzia mwezi septemba

Simu za iphone huwa ni nzuri na zinadumu muda mrefu na zinauzwa kwa bei kubwa

Matoleo ya iPhone 14, iPhone 14 Pro, iPhone 14 Pro Max na iPhone 14 Plus ni matoleo ya kundi la juu

Simu za iphone huwa zinapokea matoleo mapya ya mfumo endeshi wa iOS mara kwa mara, kimakadirio kwa kipindi cha miaka mitano

Maboresho ya mfumo endeshi huleta vitu vipya kwenye simu na kuifanya simu kutopungukiwa thamani yake kwa haraka

Linapokuja swala utendaji, apple huwa ni mnyama mkali kwani wanaunda chip(processor) zenye nguvu sana

Chip zao za bionic zinazidi kiuwezo chip zinatumiwa na simu nyingi

Ndio maana iphone huwa ni nyepesi na zinatumia betri ndogo lakini simu inakaa na chaji masaa mengi

Google Pixel

Simu za google pixel huwa zinasifika kwa kuwa na kamera nzuri na app yao ya google camera(gcam)

Matoleo ya zamani kama google pixel 3a yanapiga picha safi kuliko hata matoleo mengi ya simu zinazoachiwa karibuni

Kwa miaka mingi simu za google zimekuwa zikitumia chip za snapdragon ambazo huwa na utendaji mkubwa

Hivyo simu pixel utendaji wake ni wa kiwango kikubwa vilevile

Kwa mwaka 2023 toleo jipya la pixel ni Google Pixel 7 na Google Pixel 7 Pro

Zinatumia processor ya Google Tensor inayoundwa na google wenyewe

Ni simu yenye kamera nzuri kwa kupiga picha na kurekodi video

Kwa sababu mara nyingi hizi simu huwa zina OIS na hutumia HDR10+, na huwa na screen za amoled

Kwa bahati mbaya simu za pixel hulenga tabaka la juu kwa maana haitengenezi simu za bei ndogo

Iwapo utahitaji pixel mpya utalazamika kuwa na pesa ya kutosha ili uimiliki

Xiaomi

Xiaomi ni kampuni kutoka china huwa inatengeneza simu nzuri kwa bei inayovumilika

Kwa mfano sifa za simu ya Redmi 10C kwenye kampuni nyingine utakuta inauzwa kwa zaidi ya laki nne ila kwa xiaomi unaipata chini ya hapo

Kuna simu za xiaomi za bei ya chini, ya kati na bei kubwa

Simu zake huwa zinatumia mfumo wa MIUI na android

Simu za xiaomi zinakuwa na matangazo tofauti na za samsung

Baadhi ya xiaomi hutumia chip za mediatek na nyingine chip za snapdragon

Mara nyingi chip za mediatek huwekwa kwenye simu za bei ndogo

Sio mediatek zote huwa na utendaji hafifu bali kwa miaka ya karibuni wamekuwa wakiachia processor zenye nguvu

Kampuni ya xiaomi ina brand za Redmi, POCCO na Xiaomi yenyewe

Simu kali yenye kamera kali kwa mwaka kutoka kampuni hii Xiaomi 13 Pro

Huawei

Huawei ni kampuni inayopitia nyakati ngumu ila bado ina umaarufu mkubwa nchini China

Tangu wawekewe vikwazo na USA, wamekuwa wakitengeneza simu ambazo hazina 5G kwa sababu hawapati chip za 5G

Pamoja na hayo ukitafuta orodha ya simu zenye kamera nzuri huawei huwa haikosi

Mfano mzuri ni simu ya Huawei Mate 50 Pro inazipiga fimbo simu nyingi zilizopo sokoni ikiwemo iPhone 14 Pro Max

Kitu utakachokosa kutoka kwenye hii simu ni huduma za google kwa maana haiji na play store, youtube na gmail

Kitu hiki kinapunguza hamu ya kuimiliki simu zao kwa sababu inakuwa ngumu kupata application mbalimbali za android

OnePlus

Kampuni ya OnePlus Electronic ni ndugu na kampuni ya Oppo zote zikimilikiwa na kampuni mama ya BBK

Mwanzoni oneplus ilikuwa inajikita kwenye uundaji wa simu za daraja juu

Siku hizi wanatengeneza pia simu za daraja la kati

Oppo wanatengeneza smartwatch, vishikwambi na simu janja za kawaida

Karibu simu zote za OnePlus hutumia chip zenye uwezo mkubwa na wa kati

Mfano wa matoleo ya daraja ya kati OnePlus Nord CE 3 Lite na OnePlus Nord 2

Na zile za madaraja ya juu ni OnePlus 11R na OnePlus Ace 2, hizi zote zina utendaji mkubwa kwa sababu zina chip ya Snapdragon 8+ gen 1

Na chip za mediatek zinazotumika ni zile za dimensity ambazo utendaji wake huchuana na snapdragon

Simu za oneplus huwa mfumo endeshi wa android na colorOs kama oppo tu

Kiuhalisia hizi simu zina utendaji mkubwa na kamera nzuri vilevile

Vivo

Vivo huwa na yenyewe inatengeneza simu za aina nyingi kutoka bei ndogo mpaka bei kubwa

Simu nyingi za bei ndogo za vivo si za kuvutia sana

Kama unahitaji kuimiliki hii simu basi yakupasa kuelewa sifa zake husika

Simu zake za bei ndogo baadhi huwa zinakuja na betri kubwa inayoweza kutunza chaji muda mrefu

Mfano mzuri ni simu ya Vivo Y73t ina betri ya 6000mAh na kamera nzuri ila bei yake inaenda kwa zaidi ya laki tano

Lakini simu Vivo Y16 yenyewe inalenga watu wenye matumizi ya kawaida na inakaa na chaji

Kwa sasa vivo yenye kamera bora ni Vivo X90 Pro+

Bei ya hii simu inazidi milioni mbili kwa hapa Tanzani

Na vivotanzania hawapromoti sana hii simu kwa sasa maana inalenga watu wenye vipato vya juu

Asus Zenfone

Asus ni kampuni ya Taiwan, inajulikana sana kwa uundaji wa kompyuta zaidi

Wengi wanaweza wasifahamu kuwa asus wanaunda simu za brand ya Zenfone na ROG

Simu za asus huwa zinalenga sana utendaji kila simu lazima ukute chip yenye nguvu

Asus wana simu janja ambazo zinaweza kupokea matoleo mapya ya android

Kwa mfano toleo kama asus zenfone 8 Flip la mwaka 2019 linakuja na android 11 lakini simu inaweza kupokea toleo la sasa la android yaani Android 13

Kwenye kamera na wenyewe wapo vizuri pia

Upande huu kampuni inawakilishwa na Zenfone 9, ni ya mwaka 2022 ila kamera zake zinatoa picha halisi nzuri nyakati za mchana na kwenye mwanga hafifu

Bei za hii simu ni kubwa ila si kubwa kama za samsung, oppo na iphone

IQOO

IQOO ni kampuni iliyochepuka kutoka kwenye kampuni ya Vivo mwaka 2019

Haina miaka mingi na imekuwa ikiunda simu nzuri zenye utendaji mkubwa vilevile

Mara simu iqoo hutumia chip za MediaTek Dimensity na Snapdragon

Hizi ni processor zinazoipa simu uwezo wa kufanya kazi kiufanisi

Kumbuka kama ukinunua simu yenye chip dhaifu basi tarajia matatizo mengi mbeleni

Toleo la mwaka 2023 ni IQOO 11 inayotumia chip yenye nguvu ya Snapdragon 8 gen 1

Snapdragon 8 gen 1imetumika pia kwenye simu za Samsung Galaxy S22

Toleo la mwanzo kabisa la hii kampuni ilikuwa ni IQOO U3 iliyotumia MediaTek Dimensity 800U

Kwa kifupi karibu simu zote ni nzuri na bei zake zinavumilika

OPPO

Oppo inatengeneza simu za aina nyingi, zipo za kujikunja(foldable)  na hizi za kawaida

Kama ilivyo kwa makampuni mengi ya china, oppo inaunda matoleo ya bei nafuu na matoleo ya bei ghari

Matoleo ya bei ni kama oppo a96,oppo k10, oppo a54 na oppo a77, mara nyingi matoleo ya chini hutumia chip zenye utendaji mdogo au wa wastani

Simu huwa wanatumia mfumo mzuri wa ColorOs ambao una emoji zilizoboreshwa

Oppo za bei ghari ni matoleo ya oppo find x series na matoleo ya bei ya kati ni matoleo ya oppo reno series

Oppo wana teknolojia yenye kupeleka kwa kasi chaji na kujaza simu kwa haraka

Oppo inayotamba upande wa kamera kali kwa mwaka 2023 ni Oppo Find X6 Pro

Baadhi ya watu wanadai Find X6 Pro inaitoa mchezoni pixel 7 kwenye kamera

Ila inategemea na kitu ambacho mtu anakiangalia

Sony

Itakuwa dhambi kama sony haijumishwi katika orodha ya kampuni bora za simu

Sony na brand yake ya Xperia huwa wanatengeneza simu za “premium” pekee

Xperia huwa zinakuja na kamera nzuri, kioo safi, chip yenye nguvu, protekta za gorilla na vitu vingine vyote unavyoona kwenye samsung matoleo ya juu

Toleo la hivi karibuni ni Sony Xperia 5 IV ambalo lilitoka septemba 2022

Hii ni simu ambayo haipitishi maji na ina kioo cha oled chenye HDR BT.2020

HDR BT.2020 ina utofautishaji mkubwa wa rangi hivyo muonekano wa vitu katika uhalisia wake ni mkubwa

Simu nyingi za sony hutumia chip za snapdragon za matoleo yenye utendaji wenye nguvu

Pia xperia hupokea matoleo mapya ya android kadri yanavyotoka

Kwa mfano Xperia 10 III ni simu ya mwaka 2021 yenye android 2021 na inaweza kuwekewa android 13

Changamoto kubwa ya simu za sony xperia kwa Tanzania ni swala la bei

Ni moja ya kampuni inayouza simu kwa bei kubwa

Hitimisho

Kwenye hii orodha ya kampuni bora za simu mwaka 2023 kuna baadhi ya makampuni hayapo

Si kwamba hayaundi simu nzuri ila ukilinganisha swala la utendaji hizi kampuni zilizopo hapa ni bora zaidi

Vigezo vikubwa ambavyo vimetumika hapa na upataji matoleo mapya ya mfumo endeshi, kamera, ugumu wa simu na aina ya chip iliyopo kwenye simu

Hivi ni vigezo muhimu kuelewa ubora wa simu

Ukitaka simu bora kutoka kampuni yoyote basi hakikisha unakuwa na bajeti nzuri