Samsung Galaxy S10 na iPhone 11 zilitoka rasmi mnamo mwaka 2019

Wakati zinatoka bei ya samsung galaxy s10 na iphone 11 zilikuwa zinazidi milioni moja

Ila baada ya miaka mitano tangu zilipotoka bei zake zimeshuka na nyingi ni used

Kwa sasa Samsung Galaxy S10 inauzwa kwa shilingi laki nne na elfu hamsini

Wakati iPhone 11 ya GB 64 unaipata kwa shilingi 550,000(laki tano na elfu hamsini)

Bei zinavutia ila swali la msingi je ubora wa samsung s10 na iphone 11 unaendana na wakati uliopo ikizingatiwa kuna mabadiliko makubwa ya teknolojia.

Utapata hilo jibu kwenye hii post katika vipengele vitano

Nguvu ya utendaji

Kujua uwezo wa simu kiutendaji inakupasa ujue aina ya processor iliyotumika kwenye kifaa husika

Samsung Galaxy S10 inatumia processor ya Snapdragon 855 wakati apple iphone 11 inatumia chip ya Apple A13 Bionic

Snapdragon 855 ina nguvu ya wastani kwa standard za sasa

Ila ipo tofauti kidogo japo kimuundo inaendana na processor iliyotumika kwenye simu mpya ya Infinix Hot 50 Pro Plus

Kwa ufupi chip inacheza gemu nyingi tena kwa fremu nyingi zinazofika 60fps

Gemu ikicheza kwa fremu  nyingi inakuwa na muonekano mzuri kama vile unarekodi video

Hata Snapdragon 855 inapitwa na matoleo mengi ya simu mpya za daraja la kati zilizotoka hivi karibuni

Hali ni tofauti kwa processor ya iPhone 11, kwani hakuna processor ya daraja la kati inayoifikia Apple A13 Bioni mpaka sasa

Kitu kinachoifanya iphone 11 kuendelea kuwa shindani kwa simu nyingi mpya

Maboresho ya Software

Wakati iphone 11 ilipotoka rasmi, mfumo wake endeshi ulikuwa ni iOS 13

Kwa sasa mfumo mpya wa iphone 16 ni iOS 18 ambao unaambatana na mifumo ya akili bandia (AI)

iPhone 11 inapata toleo la iOS 18 hivyo simu inapata teknolojia mpya za software

Upande wa Samsung Galaxy S10 ilikuja na Android 9, toleo la sasa la Samsung Galaxy S24 ni Android 14, pia itapata Android 15

Bahati mbaya ni kwamba Samsung Galaxy S10 inapokea mwisho toleo la Android 12

Hii ina maanisha mifumo mipya ya faragha iliyopo kwenye Android 15 haitopatikana kwenye Samsung Galaxy S10

Maboresho mapya ya mifumo endeshi hutunza thamani ya simu

Na inaipa simu uwezo wa kupata maboresho ya teknolojia mpya na kuimalisha usalama wa data zako kwenye simu

Ukubwa na uwezo wa betri

Ukubwa wa betri ya Samsung Galaxy S10 ni 3400mAh

Ni kiwango kidogo ukilinganisha na betri za siku hizi ambazo huwa na 5000mAh

Wakati ya iPhone 11 ni 3110mAh, pia ni ndogo vilevile

Kasi ya Galaxy S10 inasapoti wati 15, iphone 11 inasapoti hadi wati 18, ambapo kwa sasa simu nyingi kubwa husapoti hadi wati 120

Betri ya samsung ikiwa mpya inakaa na chaji hadi masaa 10 ukiperuzi intaneti muda wote

Na ya iphone 11 inakaa na chaji hadi masaa 15 ukiperuzi intaneti muda wote

Hata hivyo kwa sasa hizi simu nyingi ni used hivyo ubora wa betri lazima upungue

Na ni ngumu kupata ikiwa mpya kwa sasa

Ubora wa kamera

Simu zote za Samsung Galaxy S10 na iPhone 11 zinatoa picha nzuri

Ubora wa picha unaendana na matoleo mengi mapya ya daraja la kati

Hizi simu zinaweza kurekodi mpaka video za 4K kwa kiwango cha 60fps

Galaxy S10 ina kamera tatu ambazo ni lenzi za wide, ultrawide na telephoto

Na zote zina megapixe 12 ambayo ndio standard hata mpaka sasa

iPhone 11 ina kamera ambazo ni za wide na ultrawide

Ulinganishi na simu za madaraja ya kati

Kwenye hiki kipindi cha miaka mitano mpaka sita simu mpya zimeingia sokoni

Simu za sasa za madaraja kuna ambazo ni bora kuliko matoleo ya daraja ya juu ya miaka iliyopita

Hizi ni baadhi ya simu unazoweza kununua kwa sasa badala ya kununua Samsung Galaxy S10 au iPhone 11 used

Samsung Galaxy A35

Samsung Galaxy A35 imetoka mwaka 2024

Ni simu inayotumia mfumo endeshi wa android 14 na itakuwa inapokea matoleo mapya kwa miaka minne

Processor yake ina nguvu ya kiutendaji na ufanisi mkubwa wa utunzaji wa chaji kuliko Samsung Galaxy S10

Pia inapiga picha vizuri japo inarekodi video za 4K kwa kiwango cha 30fps

Betri lake ni kubwa na chaji yake inapeleka umeme wa wati 25 ambayo hujaza betri kwa haraka

Xiaomi Redmi Note 14

Xiaomi Redmi Note 14 imetoka mwezi septemba mwaka 2024

Inatumia processor yenye nguvu ya Mediatek dimensity 7025

Inakuja na Android 14 japo haijaainishwa kupokea android za mbele

Betri yake ni kubwa na inaweza kupokea chaji ya kasi ya wati 45

Hivyo betri inawahi kujaa

Kuna matoleo mengi yanayoweza kuwa mbadala

Neno la mwisho

Uchaguzi ni wako kuchagua simu ipi sahihi ya kununua

Kitu kimoja cha nyongeza sio vitu vote ambavyo simu za madaraja ya kati zimeipita hii simu

Moja ya kitu ambacho kinakosekana ni kwenye iphone na samsung hizi ni kukosekana kwa mtandao wa 5G

Ila iPhone 11 bado ni simu shindani zaidi ukilinganisha na Samsung Galaxy S10