Tecno Spark 40 Pro imewasili!

Mwezi Julai 2025, Tecno imezindua rasmi toleo jipya lenye nguvu na muonekano wa kisasa zaidi.

Spark 40 Pro inakuja na maboresho makubwa katika maeneo manne muhimu, ikizidi mbali uwezo wa Tecno Spark 30 Pro ya mwaka 2024.

Ni kweli, bei yake imepanda kidogo ukilinganisha na mwaka uliopita.

Lakini tofauti ya uwezo na teknolojia kati ya hizi simu mbili ni kubwa kiasi kwamba utaona thamani yake mara tu ukizifahamu zote.

Bei ya Tecno Spark 40 Pro

Tecno Spark 40 Pro ya GB 128 na RAM ya GB 8 inauzwa shilingi laki nne (400,000)

Matoleo yote yanakuja na RAM ya GB 8

Maana kuna ya GB 256

Hivyo utofauti mkubwa ni saizi ya memori pekee

Kipengele hiki cha Spark 40 kinafanana na Spark 30

Sifa za Tecno Spark 40 Pro

Uwezo wa network

Tecno Spark 40 Pro inasapoti mtandao wa 4G

Na unakupa nafasi ya kutumia laini mbili

Ila hautopata mfumo wa laini za eSIM kwa sababu haisapoti

Kasi yake ya kudownload inafika 650Mbps kama mtandao upo vizuri

Ila hii simu haina 5G

Ubora wa kioo

Simu ina kioo angavu aina ya Amoled

Amoled huwa na kina kikubwa cha rangi

Hivyo vitu kwa rangi zilizokolea na zenye uhalisia kwa sehemu kubwa

Ina refresh rate inayofika Hz 144

Hii inafanya kila mguso kuwa mlaini na wa haraka

Uangavu wake unafika nits 1600

Kiasi hiki cha nits kinafanya kioo kuonyesha vizuri hata ukiwa nje chini ya mwanga wa jua kali

Nguvu ya processor

Tecno Spark 40 Pro inatumia processor ya Mediatek Helio G100

Utendaji wa helio G100 ni wa wastani kutokana na uundo wake

Unaweza kutumia vizuri kwa matumiz ya kawaida ya kila siku pasipokuwa na shida

Ila kwenye kucheza gemu itakulazimu upunguze settings ziwe za chini

Hii itakusaidia kucheza magemu makubwa bila kuganda ganda

Uwezo wa betri na chaji

Betri ya Tecno Spark 40 Pro ina ukubwa wa mah 5200

Kiwastani, betri inaweza dumu na chaji takribani masaa 12 ukiwa unatumia intaneti muda wote

Pia inasapoti kuchajiwa kwa njia ya wireless

Wireless yake inaweza kupokea umeme wa wati 30

Chaji yake inapeleka umeme mwingi wa wati 45,

Chaji hii inalijaza betri lake ndani ya dakika 60

Uimara wa bodi

Bodi ya Tecno Spark 40 Pro ina cheti cha IP64

Ni cheti kinachoashiria uimara wa simu kuzuia maji na vumbi

Ila sio kwa kiwango cha kuizamisha kwenye kina kikubwa

Ikizama kwenye maji kama hujaitoa mapema simu itapata madhara

Pia upande wa kioo kuna skrini protekta ya vioo aina gorilla glass 7i

Gorilla glass 7i inaweza kuilinda simu na mikwaluzo pia kutopasuka ikianguka kwenye kimo cha mita 2

Hata hivyo swala la kutopasuka inategemea sana na uso wa simu ilipoangukia

Hivyo kuwa makini

Ubora wa kamera

Tecno Spark 40 Pro ni simu ya kamera moja ya 50MP

Ina uwezo wa kurekodi video za resolution ya 1440p

Ubora wa picha ni wa kawaida

Na picha zinatokea vizuri hasa katika mwanga mwingi

Kiujumla hakuna maboresho upande wa kamera kati ya spark 40 pro na spark 30 pro

Ubora wa Software

Spark 40 Pro inaendeshwa na HIOS 15 ikiwa juu ya mfumo endeshi Android 15

Hii simu itapata maboresho ya android kwa muda wa miaka 3

Kwa maana utapata hadi Android 18 hivyo kasoro za kimifumo zinaweza tatuliwa kupitia hayo maboresho

HIOS 15 itakupa mifumo mbalimbali ya AI kama circle to search na nyinginize

Washindani wa Tecno Spark 40

Kuna simu nyingi sana zimetoka mwaka 2024 na 2025 zenye ufunano kisifa na Tecno Spark 40 Pro

Xiaomi Redmi 14 Pro 4G ina sifa sawa na hii tecno hii

Wakati huo Redmi ina maboresho kidogo upande wa kamera na betri

Mshindani mwingine ni Infinix Note 40 4G

Karibu kila kitu kinafanana

Hata Tecno Spark 30 Pro  inaweza kuwa ni mbadala mzuri

Bila kusahau Samsung Galaxy A16 4G

Neno la Mwisho

Kwa wanaohitaji simu ya bajeti yenye ubora Tecno Spark 40 Pro ni chaguo zuri

Bei yake inaendana na sifa ilizonazo

Na sifa zake nyingi zinakidhi mahitaji ya watu wengi