Hapa utaenda kufahamu bei halisi ya Tecno mpya ya 2025

Tecno hiyo ni Tecno Camon 40 Pro ambayo imezinduliwa mwezi wa tatu

Camon 40 Pro inafanana kiasi flani na Camon 30 Pro ila Camon 40 ina vitu vingi vya kuvutia

Nadhani maboresho yake yanaweza kunyamazisha wanaoidharau Tecno

Hivyo ndio vitu utakavyoenda kuvifahamu kiundani ukisoma posti yote

Kaa mkao wa kula

Bei ya Tecno Camon 40 Pro ya GB 256

Tecno Camon 40 Pro yenye GB 256 na RAM ya GB 8 inauzwa shilingi laki sita (600,000)

Kwa Tanzania, hii inaweza ikawa bei kubwa

Lakini ukifuatilia sifa zake zilizoorodheshwa hapa utagundua kuwa ni bei sahihi

Na pia ipo yenye RAM ya GB 12, inafaa zaidi kama unatumia simu kwa vitu kwa wakati mmoja

Hivyo hutowaza simu kukwama kwama

Sifa za Tecno Camon 40 Pro

Uwezo wa network

Tecno Camon 40 Pro inasapoti mtandao wa 5G

Haina laini za eSIM hivyo utatumia laini za siku zote

Kasi yake ya kudownload inafika zaidi ya Mbps 3000

Ila mitandao mingi hapa haisapoti kasi hiyo

Masafa yake yanakubali mitandao yote ya simu hapa nchini

Ubora wa kioo cha Tecno Camon 40 Pro

Muonekano wake wa kioo ni muundo wa curve(muundo wa upinde) kushoto na kulia

Inatumia kioo cha AMOLED ambacho kina refresh rate ya 144Hz

Hii inafanya kuwa ni kioo kizuri sana kwenye kucheza magemu

Lakini kiwango cha refresh rate hii ni kama cha toleo lililopita

Kingine simu ina skrini protekta ya Gorilla glass 7i

Hiki ni kioo kimeundwa kuhimili mipasuka simu inapodondoka

Nguvu ya processor (Dimensity 7300)

Tecno Camon 40 Pro inatumia chip ya dimensity 7300

Ni chip ambayo imegawanyika katika sehemu mbili

Ambapo sehemu yenye nguvu kubwa ina muundo wa Cortex A78

Utendaji wake ni wa wastani unaoweza kusukuma vitu vingi pasipo na tatizo

Kwa bahati mbaya utendaji wake sio mkubwa kama chip ya Dimensity 8200

Dimensity 8200 ilitumika kwenye simu ya Tecno Camon 30 Pro

Uwezo wa betri na chaji

Simu inakuja na betri ya ukubwa wa 5200mAh

Na chaji yake inasapoti umeme wa wati 45

Chaji ya aina hii hujaza simu kwa haraka chini ya lisaa limoja na nusu

Ukiwa unacheza gemu muda wote pasipo kupumzika, simu inachukua kama masaa 8 kuisha chaji

Na kwa matumizi ya kawaida inachukua mpaka masaa 14

Kwa betri kubwa kama hii chaji yenye kasi ni muhimu kujaza betri kwa haraka

Uimara wa bodi ya Tecno Camon 40 Pro

Kwa mara ya kwanza Tecno wameto simu imara kuzuia maji yasiingie ndani ya simu kama ikizama kwenye maji mengi

Kwa sababu ina waterproof aina ya IP68

IP68 inamaanisha kuwa simu inaweza KUHIMILI kuzuia maji kwa muda wa nusu saa katika kina cha mita mbili

Ni kimo kama diaba la maji

Kwenye maduka ya tecno utaona jinsi simu inavyohimili kuzuia maji maana huonyesha wateja

Ubora wa kamera

Kamera zake zipiga vizuri hasa kwenye mwanga mwingi kwa picha ambazo nimeziona zilizopigwa na hii simu

Lakini usahihi wa rangi sio mkubwa sana

Maana kwa mtu mweusi ni kama kamera inaongeza mng’ao

Kwa wanaopenda effect za namna hii wanaweza kuona kuwa picha ni nzuri na ipo sawa

Kiujumla ina kamera mbili mojawapo ni ya ultrawide

Mifumo yake haina mambo mengi ya ziada kama dual pixel pdaf

Na inaweza kurekodi video za 4K kwa kiwango cha 60fps

Ubora wa Software

Kwenye software Tecno wamefanya maboresho makubwa mengi

Maboresho hayo yamejikita zaidi katika matumizi ya AI

Ukiwa na hii Tecno utaweza kutumia mfumo wa Circle to search

Yaani endapo umekutana na picha na katika picha kikawepo kitu ambacho hukijui ila unataka kujua taarifa zake

Mfumo unakurusu kuzungushia duara hiko kitu na kisha google inakupa taarifa

Pia ina mfumo wa kuondoa “background noise” wakati ukiwa unaongea na mtu kwenye simu

Yaani ukiwa kwenye mazingira ya kelele, simu itaondoa hizo kelele ili kuwasiliana kwa usikivu

Washindani wa Tecno Camon 40 Pro

Washindani wakubwa kwa kutazama simu ni Redmi Note 14 Pro na Samsung Galaxy A56

Redmi inatumia processor moja na Camon 14

Ila redmi inasapoti laini ya eSIM pia

Lakini pia ina kamera yenye megapixel 200

Na kioo chake kina teknolojia ya HDR10+ na Dolby Vision

Na samsung sifa zake unaweza kuziona hapa: Ubora wa samsung galaxy a56

Hizo simu mbili na zingine zinaweza iletea hii simu changamoto

Neno la mwisho

Tecno camon 40 pro ina maboresho mengi zaidi kwenye upande wa software

Ila ukilinganisha na Tecno Camon 30 Pro utaona utendaji wa camon 30 pro kuwa ni mkubwa

Pia kwenye idara yake ina washindani wengi wenye simu nzuri pia

Na boresho kubwa zaidi ni uwepo wa IP68 ambayo inafaa sana kwa ulinzi wa simu na maji