Kampuni ya Apple imeingiza matoleo mapya ya iphone

Moja ya iPhone hiyo ni iPhone 16 Pro, ina ufafanano kwa sehemu ya kimuundo na iPhone 15 Pro

Yapo mazuri lakini yapo yatakayofanya ujiulize maswali.

Hata bei ya iPhone 16 Pro ni milioni mbili na laki tisa kwa bei rasmi ya Apple

Ila kwa hapa Tanzania bei yake inaanzia milioni 3.5 ya GB 256

Ukifuatilia sifa zote zilizopo hapa utaweza kugundua kama inakufaa ama unasubiria toleo lijalo

Sifa za iPhone 16 Pro

Uwezo wa network

Kwa matoleo ya Marekani simu inakuja bila kuwa na sehemu ya kuweka laini yaani SIM CARD

Mnunuaji lazima awe anatumia laini za eSIM

eSIM ni laini zinakuwa ndani ya simu na hazihitaji laini ya plastiki

Ni simu ya 5G za aina zote ikiwemo ile yenye kasi sana za mmWave

Pia kasi yake ya 4G inafika spidi ya 10000Mbps kupakua mafaili

Hata hivyo spidi lazima uwe kwenye mazingira yanayosapiti kasi ambapo kwa Tanzania ni ngumu kwa sasa

Ubora wa kioo

Kioo cha iPhone 16 Pro ni cha LTPO OLED

Apple wanakiita LTPO Super Retina XDR OLED

Hiki kioo bwana kina HDR10, Dolby Vison na uwangavu unaofika nits 1000

Hivi vinavyafanya skrini kuwa na kina kikubwa cha rangi hivyo vitu vingi vinaonekana kwa ustadi hata juani

Na kiwango cha resolution ni 1206 x 2622 pixels

Resolution kubwa ya kuonyesha vitu vizuri

Nguvu ya processor ya Apple A18 Pro

Upande wa utendaji umewepewa maboresho makubwa kwa karibu simu zote za iphone mpya

Kama ninavyosema mara, chip za apple huwa na nguvu sana

Na ukiwa na chip nzuri na yenye nguvu, vitu vingine vitakuwa na ufanisi mzuri

Iko hivi, . .

Apple A18 Pro ina alama zaidi ya 3000 kwenye app za kupima nguvu ya processor ya Geekbench

Pia chip ina ufanisi mzuri wa matumizi ya betri ukilinganisha na iphone 15 pro

Hivyo utaweza kucheza magemu yenye nguvu kama Call of duty Mobile season 8 kwa muda mrefu na bila kukwama kwama

Uwezo wa betri na chaji

Ukinunua kwa mara ya kwanza simu haiji na chaji

Ila ina uwezo wa kupeleka umeme wa wati 25 kwa njia ya waya

Haichukui muda mrefu sana kujaa ijapokuwa simu nyingi siku hizi zinakuwa na chaji kubwa zaidi ya hii (wati 30 na kuendelea)

Kwenye matumizi mbalimbali ya mara kwa mara simu inadumu kwa takribani masaa 11

Hii inamaanisha ukiwa unamatumizi ya kawaida utadumu na chaji muda mrefu

Hata Samsung Galaxy S24 Ultra inaizidi hii simu kwa mbali tu

Ukubwa na aina ya memori

Hii simu ina matoleo manne upande wa memori na zote zina RAM ya GB 8

Unaweza ukapata ya GB 128, 256, 512 au 1TB

Na bei zinatofautiana kulingana na ukubwa wa memori

Mfumo wa memori wa simu za iphone huwa ni NVMe

Hii huwa ina kasi kubwa ya usafirishaji wa data

NVMe ndio protoko inayotumika na kompyuta matoleo ya kisasa

Uimara wa bodi

iPhone 16 Pro ina bodi imara na ina waterproof ya IP68

Inaweza kustahimili ndani ya maji ya kina cha mita 6 kwa muda wa nusu saa

Bodi yake kiujumla imeundwa kwa madini ya titanium

Kwa siku za mbeleni utakuja kujua uiamara wa titanium kiundani

Kwa sasa ni ngumu kusemea uimara wake

Kwenye skrini simu imewekewa protekta ya seramiki

Ubora wa kamera

Kwanza kabisa simu ina kamera zipatazo tatu

Kamera za wide na ultrawide zina ukubwa wa megapixel 48

Na zote zinatumia ulengaji wa dual pixel pdaf

Ubora wa picha wa hii simu ni mzuri kwa nyakati zote

Texture, usahihi wa rangi na muonekano wa vitu kwa uhalisia ni wa kiwango kikubwa

Maboresho makubwa yapo katika uchukuaji wa video

Kwa mara ya kwa iPhone inaweza kurekodi video za 4K kwa kiwango cha 120fps

Wakati wa kurekodi video iphone inakupa uwezo kuifanya video itoe sauti za wale wanaorekodiwa kama wakiwa wanaongea

Kama kuna mtu wa pembeni alikuwa anaongea sauti yake haitosikika

Ubora wa Software

Ubora mkubwa kama apple wanavyopromoti ni hiki kitu kinaitwa Apple Intelligence

Kabla ya kuangalia Apple Intellignce, simu zote za iphone 16 zinakuja na mfumo endeshi wa iOS 18

Apple Intelligence itaanza kupatikana baadae kidogo

Ila vitu ambavyo vipo vingi tayari vipo kwenye simu za samsung na google pixel

Baadhi ni uwezo wa kuondoa kitu kilichotokea kwenye kamera ambacho wewe hukihitaji

Pia kuna uwepo wa Chatgpt

Na pia kuna uwepo wa mfumo unaofanana kama na google lens

Yaani unapata taarifa za kitu kwa kukipiga picha

Washindani wa iPhone 16 Pro

Mshindani wa kwanza iPhone 16 Pro ni simu za iPhone 15 Pro

Kuna mabadiliko madogo sana baina ya hizi simu

iPhone mpya bei yake ni kubwa wakati huo iphone 15 bei zake zimeanza kushuka

Hivyo mtu anaweza kununua iphone ya zamani kuliko hizo mpya

Na pia watumiaji wa iphone 15 pro wanaweza wasishawishike kununua hii simu

Kuna taarifa mauzo ya awali ya simu matoleo ya iPhone 16 yamekuwa madogo kuliko ilivyotarajiwa

Unaweza pitia hapa: Mauzo madogo ya iphone 16 Pro

Mbali na hao, mshindani mkubwa wa iPhone ni Samsung Galaxy S24 Ultra

Kwenye samsung kuna matumizi makubwa ya AI kuliko hata iphone

Neno la Mwisho

Kiujumla toleo jipya la iphone kwa mwaka 2024 yalipaswa kuja na mambo mengi na maboresho makubwa

Kwa sababu bei ya iphone 16 pro ni kubwa lakini wakati huo kuna vitu kama hdr10 ni ya standard

wakati kuna simu chini ya hiyyo bei unakuta ina kioo cha hdr10+

Hata hivyo hii ni simu nzuri kwa mwaka 2024 na mwaka ujao 2025